Crime News | ఖమ్మం జిల్లా రఘునాథపాలెంలో తల్లీ కూతుళ్ల మృతిపై మిస్టరీ వీడింది. భార్య కుమారి, కూతుళ్లు కృషిక, తనిష్కను భర్త ప్రవీణ్ కుమార్ హత్య చేసినట్లు పోలీసులు నిర్ధారించారు. హత్య చేసి రోడ్డు ప్రమాదంగా చిత్రీకరించాడని పోలీసులు తమ విచారణలో తేల్చారు. ఇంజక్షన్తో విషం ఇచ్చి భార్యను హత్య చేసినట్లు పోస్ట్ మార్టం నివేదికలో నిర్ధారించారు. రఘునాథ పాలెం పోలీస్ స్టేషన్ లో గత మే 29న అనుమానాస్పద స్థితిలో ఒక మహిళ, ఇద్దరు పిల్లలు మరణించినట్లు కేసు నమోదైంది. 45 రోజుల తర్వాత నిర్వహించిన పోస్ట్ మార్టం నివేదికలో హత్య చేసినట్లు నిర్ధారించారు.
ఇంజక్షన్ ఇచ్చిన భార్యను హత్య చేసిన ప్రవీణ్ కుమార్.. హత్యగా చిత్రీకరించడానికి మే 28 తేదీనే రఘునాథ పాలెంలో కారును చెట్టుకు ఢీకొట్టాడు. ప్రస్తుతం ప్రవీణ్ కుమార్ ను పోలీసులు అదుపులోకి తీసుకున్నారు. ఫిజియో థెరపీ వైద్యుడిగా హైదరాబాద్లో ప్రవీణ్ కుమార్ పని చేస్తున్నాడు. ఖమ్మం జిల్లాలోని ఏన్కూర్ మండలం రంగాపురం వాసి కుమారికి, బావోజీ తండా వాసి ప్రవీణ్ కుమార్ కు ఆరేండ్ల క్రితం వివాహం జరిగింది. అయితే, రోడ్డు ప్రమాదంలో తల్లీ కూతుళ్లు మరణిస్తే, కారు నడిపిన ప్రవీణ్ కుమార్ కు పెద్దగా గాయాలు కాకపోవడంపై అప్పట్లోనే ఆయన బంధువులు అనుమానాలు వ్యక్తం చేశారు.