Telangana | హైదరాబాద్, జూన్ 15 (నమస్తే తెలంగాణ): ఎన్నికల ముందు ఇచ్చిన హామీలను కాంగ్రెస్ ప్రభుత్వం తుంగలో తొక్కిందని తెలంగాణ నిరుద్యోగ యువత ఆగ్రహం వ్య క్తం చేస్తున్నది. ఉద్యమంలో భాగంగా బ క్క జడ్సన్ ఆధ్వర్యంలో రాష్ట్ర సచివాలయాన్ని ముట్టడించాలని పిలుపునివ్వగా, శనివారం సచివాలయం గేట్ వద్ద ధర్నా చేయాలని ని రుద్యోగులు నిర్ణయించారు. దీంతో బక్క జడ్సన్ను పోలీసులు హౌజ్ అరెస్టు చేశారు.
రిజర్వేషన్లలో కాంగ్రెస్ సర్కారు అన్యాయం
గ్రూప్-1 ఉద్యోగాల భర్తీలో కాంగ్రెస్ ప్ర భుత్వ మొండి వైఖరి వల్ల తమకు అన్యాయం జరుగుతున్నదని నిరుద్యోగులు చెప్తున్నారు. గ్రూప్-1 మెయిన్ పరీక్షలకు 1:50 నిష్పత్తికి బదులుగా, 1:100 ప్రకారం అభ్యర్థులను ఎంపిక చేయాలన్న డిమాండ్ను ప్రభుత్వం పరిగణనలోకి తీసుకోవడం లేదని ఆవేదన వ్యక్తం చేస్తున్నారు. గ్రూప్-2లో 2,000 పోస్టులు, గ్రూప్-3లో 3,000 పోస్టులు పెంచడానికి గతంలో హామీ ఇచ్చిన సీఎం రేవంత్రెడ్డి.. ఇప్పుడు ఈ విషయంలో ఎందు కు నోరు మెదపటం లేదని ప్రశ్నిస్తున్నారు. కాంగ్రెస్ అధికారంలోకి వచ్చాక గ్రూప్-1 కొత్త నోటిఫికేషన్లో రిజర్వేషన్ అమలు నిబంధన తొలగించారని వెల్లడించారు.
ప్లకార్డుల ప్రదర్శనలు
ఉద్యోగాల భర్తీ విషయంలో తమకు ఇచ్చి న హామీలను కాంగ్రెస్ ప్రభుత్వం అమలు చేసేంత వరకు ఉద్యమం ఆపబోమని నిరుద్యోగులు స్పష్టం చేస్తున్నారు. ప్లకార్డులతో హైదరాబాద్లోని పలు ప్రదేశాల్లో పోరాటానికి దిగారు. న్యాయపరమైన డిమాండ్ల పరిష్కారంపై సీఎం రేవంత్ దృష్టి పెట్టాలని డిమాండ్ చేస్తున్నారు.