జగిత్యాల : జగిత్యాల జిల్లాలో విషాదం చోటు చేసుకుంది. నాలుగు సంవత్సరాల కూతురుతో కలిసి ఓ తల్లి బావిలో( Well) దూకి బలవన్మరణానికి(Mother and daughter died) పాల్పడింది. ఈ విషాదకర సంఘట జగిత్యాల జిల్లా(Jagityala district) సారంగాపూర్ మండలం అర్పల్లి గ్రామంలో చోటు చేసుకుంది. స్థానికులు తెలిపిన వివరాలు ఇలా ఉన్నాయి. గ్రామానికి చెందిన బొండ్ల మౌనిక అనే వివాహిత తన బావిలో దూకి ఆత్మహత్య చేసుకుంది.
నిన్న రాత్రి ఇంట్లో కుటుంబ కలహాలు జరిగినట్లు స్థానికులు చెబుతున్నారు. దీంతో మనస్థాపం చెందిన మౌనిక కూతురుతో కలసి ఆత్మహత్య చేసుకుంది. గురువారం ఉదయం గ్రామ శివారులోని వ్యవసాయ బావిలో మృతదేహాలను గుర్తించారు. సమాచారం అందుకున్న పోలీసులు సంఘటన స్థలానికి చేరుకున్నారు. మృతురాలు మౌనిక భర్తను అదుపులోకి తీసుకుని విచారిస్తున్నట్లు సమాచారం. తల్లీ బిడ్డల మృతితో గ్రామంలో విషాదఛాయలు అలుముకున్నాయి.