హైదరాబాద్, జూలై 16 (నమస్తే తెలంగాణ) : కాళేశ్వరంపై దర్యాప్తు జరుపుతున్న జస్టిస్ పీసీ ఘోష్ కమిషన్ ముందు కేంద్ర జలశక్తి శాఖ సలహాదారు వెదిరె శ్రీరామ్ మంగళవారం హాజరయ్యారు. ఈ సందర్భంగా తన వాదనను పవర్పాయింట్ ప్రజెంటేషన్ ద్వారా వివరించారు.
మేడిగడ్డ, తుమ్మిడిహట్టి వద్ద నీటి లభ్యత, ప్రాజెక్టును తుమ్మిడిహట్టి నుంచి మేడిగడ్డకు మార్చడానికి గల కారణాలపై సమాచారాన్ని అందజేసినట్టు చె ప్పారు. తుమ్మిడిహట్టి వద్ద 160 టీఎంసీల నీటి లభ్యత ఉందని సీడబ్ల్యూసీ ఆ మోదించిందని గుర్తుచేశారు. ఎన్డీఎస్ఏ ఇప్పటికే ఇచ్చిన రెండు నివేదికలు, వా టిపై రాష్ట్ర ప్రభుత్వం తీసుకున్న చర్యలపై సమాచారాన్ని ఇచ్చినట్టు వెల్లడించారు.
గవర్నర్, ప్రభుత్వానికి కాగ్ నివేదిక
హైదరాబాద్, జూలై 16 (నమస్తే తెలంగాణ): రాష్ట్రంలో 2022 మార్చితో ముగిసిన ఆర్థిక సంవత్సరానికి ‘తెలంగాణ రాష్ట్ర ప్రజారోగ్యానికి సంబంధించిన మౌలిక సదుపాయాలు, ఆరోగ్య సే వల నిర్వహణ’ అంశంపై తయారు చేసిన నివేదికలను మంగళవారం భారత్ కం ప్ట్రోలర్ అండ్ ఆడిటర్ జనరల్ రాష్ట్ర గవర్నర్, ప్రభుత్వానికి పంపింది. ఈ నివేదికలను వచ్చే అసెంబ్లీ సమావేశాల్లో ప్రవే శపెట్టాలని పంపినట్టు కాగ్ తెలిపింది.