Harish Rao | హైదరాబాద్, జూలై 13 (నమస్తే తెలంగాణ): ఒకటో తేదీనే ప్రభుత్వ ఉద్యోగులకు వేతనాలు చెల్లిస్తున్నట్టు గొప్పలు చెప్పుకుంటున్న కాంగ్రెస్ ప్రభుత్వం, ఆచరణలో మాత్రం అలసత్వం ప్రదర్శిస్తున్నదని మాజీ మంత్రి హరీశ్రావు విమర్శించారు. ఒకటో తేదీన వేతనాలు చెల్లిస్తున్నామనే మాటలు కేవలం పత్రికా ప్రకటనలకు మాత్రమే పరిమితమవుతున్నాయని ఆరోపించారు. ఈ మేరకు ఆయన శనివారం ఓ ప్రకటన విడుదల చేశారు.
మాడల్ సూల్ టీచర్లకు గత 7 నెలల నుంచి ఏ నెలలో కూడా ఒకటో తేదీన వేతనాలు చెల్లించకపోవడం కాంగ్రెస్ మోసపూరిత వైఖరికి నిదర్శనమని మండిపడ్డారు. ఈ నెలలో 13వ తారీఖు వచ్చినా మాడల్ సూల్స్ రెగ్యులర్ టీచర్స్కు జీతాలు అందక అనేక ఇబ్బందులు ఎదురొంటున్నారని తెలిపారు. ఈ నెల 8వ తేదీన సగం మంది ఉద్యోగులకు మాత్రమే వేతనాలు చెల్లించిన సరారు..
రంగారెడ్డి, నిజామాబాద్, వనపర్తి, సూర్యాపేట, సంగారెడ్డి, సిద్దిపేట, సిరిసిల్ల, పెద్దపల్లి వంటి జిల్లాల్లో పనిచేస్తున్న వెయ్యి మందికి పైగా రెగ్యులర్ టీచర్స్కి ఇంకా జీతాలు చెల్లించలేదని పేర్కొన్నారు. వీరితో పాటు మాడల్ సూల్స్లో పనిచేసే ఔట్ సోర్సింగ్, హవర్లీ బేస్డ్ టీచర్స్ (హెచ్బీటీ) దాదాపు రెండు వేల మంది ఇంకా జీతాల కోసం ఎదురుచూస్తున్నారని తెలిపారు. ప్రభుత్వం ఇప్పటికైనా స్పందించి విద్యార్థుల భవిష్యత్తును తీర్చిదిద్దే ఉపాధ్యాయులను గౌరవించి ప్రతి నెల ఒకటో తేదీన వేతనాలు చెల్లించాలని హరీశ్రావు డిమాండ్ చేశారు.
రూ.42 వేల వేతనం ఇవ్వాల్సిందే
ప్రభుత్వ జూనియర్ కళాశాలల్లో పనిచేసే గెస్ట్ లెక్చరర్ల విషయంలో కాంగ్రెస్ ప్రభుత్వం మాట తప్పడం బాధాకరమని హరీశ్రావు పేర్కొన్నారు. అధికారంలోకి రాగానే 42 వేల రూపాయల వేతనం చెల్లిస్తామని అభయహస్తం మ్యానిఫెస్టోలో చెప్పిన కాంగ్రెస్ పార్టీ.. వారి ఉద్యోగ భవిష్యత్తును దెబ్బతీసేలా కేవలం మార్చి 31 నుంచి జూలై 31 వరకే కొనసాగింపు ఉత్తర్వులు ఇవ్వడం దుర్మార్గమైన చర్య అని దుయ్యబట్టారు.
ఇందులో ఏప్రిల్, మే నెలల్లో సెలవులే ఉండగా, కేవలం జూన్, జూలై నెలకు మాత్రమే పొడిగింపు ఇచ్చి చేతులు దులుపుకున్నారని ఆగ్రహం వ్యక్తం చేశారు. ఈ నిర్ణయం వల్ల పదేండ్లుగా ప్రభుత్వ జూనియర్ కళాశాలల్లో పనిచేస్తున్న 1,654 మంది గెస్ట్ లెక్చరర్ల భవిష్యత్తు అగమ్యగోచరంగా మారిందని తెలిపారు. విద్యాసంవత్సరం మధ్యలో ఉద్యోగాలు నిలిపివేస్తే, ఎలా బతికేది అని లెక్చరర్లు, వారి కుటుంబాలు ఆవేదన వ్యక్తం చేస్తున్నాయని తెలిపారు. గతంలో బీఆర్ఎస్ ప్రభుత్వం ప్రతి విద్యాసంవత్సరానికి పొడిగింపు ఉత్తర్వులు ఇచ్చిందని గుర్తుచేశారు.
కానీ కాంగ్రెస్ ప్రభుత్వం మాత్రం అందుకు భిన్నంగా వ్యవహరిస్తున్నదని తెలిపారు. గెస్ట్ లెక్చరర్ల వ్యవస్థను ఎత్తి వేసేందుకు కుట్ర జరుగుతున్నట్టు వారు ఆందోళన చేస్తున్న నేపథ్యంలో ప్రభుత్వం తక్షణం స్పందించి సమస్యలు పరిషరించాలని డిమాండ్ చేశారు. అభయహస్తం మ్యానిఫెస్టోలో హామీ ఇచ్చినట్టు గెస్ట్ లెక్చరర్లకు భరోసా ఇవ్వడంతోపాటు, నెలకు రూ.42 వేల వేతనం చెల్లించి, విద్యాసంవత్సరం చివరి వరకు ఉద్యోగ కాలాన్ని పొడగించాలని బీఆర్ఎస్ పార్టీ పక్షాన హరీశ్రావు డిమాండ్ చేశారు.