హైదరాబాద్, మార్చి 12 (నమస్తే తెలంగాణ):ఎమ్మెల్సీ కవిత పుట్టిన రోజును పురస్కరించుకొని సెర్ప్, మెప్మా ఉద్యోగుల సంఘం ఆధ్వర్యంలో ఆదివారం తెలంగాణ భవన్లో సంబురాలు జరుపుకొన్నారు. ఆయా సంఘాల రాష్ట్ర అధ్యక్షురాళ్లు మారిపెల్లి మాధవి, మానుకోట సునీత కేక్ కట్ చేసి, కవితకు శుభాకాంక్షలు తెలిపారు. ఈ కార్యక్రమంలో బీఆర్ఎస్ రాష్ట్ర కార్యదర్శి, రెండు సంఘాల రాష్ట్ర గౌరవ అధ్యక్షుడు ఎల్ రూప్సింగ్ తదితరులు పాల్గొన్నారు.