హైదరాబాద్, జూన్ 21 (నమస్తే తెలంగాణ): ఢిల్లీ మద్యం విధానం కేసులో రిమాండ్లో ఉన్న ఎమ్మెల్సీ కవిత జ్యుడీషియల్ కస్టడీని మరోసారి పొడిగించారు. జూలై 5 వరకు ఆమె కస్టడీని పొడిగిస్తూ రౌస్ ఎవెన్యూ కోర్టు ఉత్తర్వులు జారీచేసింది.
అధికారులు శుక్రవారం ఆమెను వర్చువల్గా కోర్టు ముందు హాజరుపరిచారు. ఈ కేసును జూలై 3వ తేదీన రౌస్ ఎవెన్యూ కోర్టు మరోమారు విచారణ జరుపనున్నది. గతంలో సీబీఐ నమోదు చేసిన కేసులో కోర్టు ఈ నెల 21 వరకు కస్టడీని పొడిగించింది. కాగా, కవిత బెయిల్ పిటిషన్పై ఢిల్లీ హైకోర్టు తీర్పును రిజర్వ్ చేసింది.