హైదరాబాద్, ఏప్రిల్ 23 (నమస్తే తెలంగాణ) : ఎమ్మెల్సీ కల్వకుంట్ల కవిత బెయిల్ పిటిషన్పై బుధవారం కూడా విచారణ జరగనున్నది. జ్యుడీషియల్ కస్టడీలో ఉన్న కవిత తనకు బెయిల్ ఇవ్వాలంటూ సీబీఐ ప్రత్యేక కోర్టును కోరిన విషయం తెల్సిందే. కవిత పిటిషన్పై విచారణ మంగళవారం కొనసాగింది. కవిత తరఫు న్యాయవాది రాణా వాదనలు వినిపించారు.
కస్టడీని పొడిగించాలని ఈడీ తరఫు న్యాయవాది కోరారు. ఈడీ అభ్యర్థన మేరకు మే 7వ తేదీ వరకు కవిత కస్టడీని పొడిగించారు. కవిత కస్టడీ పొడిగింపుపై సీబీఐ, ఈడీలు న్యాయస్థానంలో అప్లికేషన్ దాఖలు చేశాయి. కేసు దర్యాప్తు పురోగతి వివరాలను కోర్టుకు అందజేశారు. 60 రోజుల్లో కవిత అరెస్టుపై చార్జిషీటు సమర్పిస్తామని ఈడీ తెలిపింది. విచారణను కోర్టు బుధవారానికి వాయిదా వేసింది. బుధవారం మధ్యాహ్నం రెండుగంటలకు వాదనలు వింటామని చెప్పింది.