హైదరాబాద్: తెలంగాణ తొలి, మలి దశ ఉద్యమాలకు స్ఫూర్తి ప్రధాత, తెలంగాణను ఆత్మలో ప్రతిష్ఠిం చుకున్న అరుదైన కవి దాశరథి రంగాచార్య(Dasharathi) అని ప్రముఖ వాగ్గేయ కారుడు, ఎమ్మెల్సీ గోరటి వెంకన్న(Gorati Venkanna) అన్నారు. దాశరథి జయంతి వేడుకలను ఆదివారం నిజామాబాద్ జిల్లా కేంద్రంలోని టీఎన్జీవోస్ భవన్లో నిర్వహించారు. దాశరథి చిత్రపటానిక పూల మాలలు వేసి నివాళులు అర్పించారు. ఈ సందర్భంగా గోరటి వెంకన్న మాట్లాడుతూ..ఆయన కవిత్వంలో తెలంగాణ అస్తిత్వం పురివిప్పి నర్తించింది. నిజాం పరిపాలనలో కళపెళ ఉడికిన కాలానికి అక్షరానువాదమై నిలిచిందన్నారు.
తెలంగాణ అస్తిత్వాన్ని తన రచనల ద్వారా చాటిచెప్పిన గొప్ప వ్యక్తి అని కొనియాడారు. జైలు గోడల మీద బొగ్గుముక్కతో ఆయన రాసిన ‘నా తెలంగాణ కోటి రత్నాల వీణ’ అజరామరమై నేటికీ స్ఫూర్తిస్తుందని, ఆ కవితను నిజామాబాద్లోని జైలు ఉండి రాశాడని గుర్తు చేశారు. దాశరథి శత జయంతి ఉత్సవాలను ప్రారంభించుకుంటున్న వేళలో.. ఆయన సమున్నత సాహిత్య జీవన ప్రస్థానాన్ని సముజ్వలంగా స్మరించుకోవాలి. ఆయన చూపిన దారిలో అన్నార్తులు అనాథలుండని నవయుగాన్ని నిర్మించుకోవాలని ఆయన ఆకాంక్షించారు.