హైదరాబాద్, డిసెంబర్ 16 (నమస్తే తెలంగాణ): నిర్బంధాల గురించి కాంగ్రెస్ మాట్లాడటం అంటే పులి శాకాహారం గురించి మాట్లాడినట్టే ఉంటుందని బీఆర్ఎస్ ఎమ్మెల్సీ దేశపతి శ్రీనివాస్ ఎద్దేవా చేశారు. మండలిలో గవర్నర్ ప్రసంగంపై చర్చ సందర్భంగా ఆయన మాట్లాడారు. ప్రజలకు నిర్బంధ పాలనను రుచి చూపించింది కాంగ్రెస్ పార్టీయేనని, ఎమర్జెన్సీ విధించిన చరిత్ర కూడా ఆ పార్టీదేనని విమర్శించారు.
ఉద్యమ సందర్భంగా నాటి కాంగ్రెస్ పాలకులు తీవ్ర అణచివేతకు పాల్పడ్డారని తెలిపా రు. తెలంగాణ ఉద్యమకారులపై మలబార్ పోలీసులతో కాల్పులు జరిపించి నెత్తురుటేర్లు పారించారని గుర్తుచేశారు. ఉద్యమ సమయంలో అసెంబ్లీ, ప్రగతిభవన్ ముందు ముండ్ల కంచెలను నిర్మించింది కూడా ఆ పాలకులేనని ధ్వజమెత్తారు. కాం గ్రెస్ గెలవగానే బీఆర్ఎస్ సభ్యులపై దాడులకు పాల్పడుతున్నారని, ఎమ్మెల్యేల ఇండ్లపై దాడులు చేస్తున్నారని విమర్శించారు.