మేడ్చల్, జూలై 22(నమస్తే తెలంగాణ): రైతు రుణమాఫీ పథకాన్ని ఎటువంటి షరతులు లేకుండా అమలుచేయాలని కుత్బుల్లాపూర్ ఎమ్మెల్యే కేపీ వివేకానంద డిమాండ్ చేశారు. రుణమాఫీ రాని రైతుల పక్షాన ఎమ్మెల్యే కేపీ వివేకానంద, డీసీఎంఎస్ వైస్ చైర్మన్ మధుకర్రెడ్డి సోమవారం మేడ్చల్-మల్కాజిగిరి జిల్లా కలెక్టర్ గౌతమ్ను కలిసి ఫిర్యాదు చేశారు.
అనంతరం కలెక్టరేట్ ఆవరణలో వివేకానంద మీడియాతో మాట్లాడుతూ.. రాష్ట్రంలో కాంగ్రెస్ ప్రభుత్వం రైతులను నట్టేటా ముంచుతున్నదని విమర్శించారు. రుణమాఫీ కాని రైతులు కన్నీళ్లు పెట్టుకుంటున్నారని ఆవేదన వ్యక్తంచేశారు. రైతుబంధు పథకాన్ని కాంగ్రెస్ ప్రభుత్వం పక్కదోవ పట్టించిందని, ఆ నిధులను రుణమాఫీకి వినియోగించిందని విమర్శించారు.
బీఆర్ఎస్ ప్రభుత్వ హ యాంలో మే, జూన్ నెలల్లోనే రైతుబంధును అం దించి వ్యవసాయరంగాన్ని ప్రోత్సహించిందని చెప్పారు. రైతుబంధు కింది మేడ్చల్-మల్కాజిగిరి జిల్లాకు కేసీఆర్ ప్రభుత్వం రూ.39 కోట్లు అందిస్తే, సీఎం రేవంత్రెడ్డి అది ఇవ్వకుండా, రుణమాఫీ పేరుతో రూ.11 కోట్లు మాత్రమే ఇచ్చారని వివరించారు. రుణమాఫీ అంశంపై అసెంబ్లీలో ఎండగడతామని చెప్పారు.