ఖైరతాబాద్, జూన్ 8: పచ్చకామెర్ల తోబాధపడుతూ అస్వస్తతకు గురైన తెలంగాణ కవి, గాయకుడు గిద్దె రామనర్సయ్యకు మంత్రి హరీశ్రావు ఆపన్న హస్తం అందించారు. పది రోజులుగా ప్రైవేట్ దవాఖానలో చికిత్స పొందుతూ ఆర్థిక సాయం కోసం ఎదురుచూస్తున్న రామనర్సయ్య పరిస్థితిని తెలుసుకొన్న మంత్రి వెంటనే నిమ్స్కు తరలించి చికిత్స అందించే ఏర్పాట్లు చేశారు. మెరుగైన చికిత్స అందించాలంటూ వైద్యాధికారులకు ఆదేశించారు. మహబూబాబాద్ జిల్లా తొ ర్రూరుకు చెందిన రామనర్సయ్య ప్రస్తుతం రామనర్సయ్య కోలుకుంటున్నారు. ఆయనను గురువారం ఎమ్మెల్యే రసమయి బాలకిషన్, ప్రజాగాయకులు జయరాజ్, గద్దర్ పరామర్శించారు.
మంత్రి హరీశ్రావుకు రుణపడి ఉంటా
తీవ్రమైన కామెర్ల వ్యాధితో బాధపడుతూ కొన్ని రోజులుగా ప్రైవేట్ దవాఖానలో చేరిన. చికిత్స కోసం ఆర్థికంగా ఇబ్బందులు పడుతున్న. నా పరిస్థితి తెలుసుకొని మంత్రి హరీశ్రావు నన్ను నిమ్స్ దవాఖానలో చేర్పించిండ్రు. ఆపదలో ఆపన్న హస్తం అందించిన సీఎం కేసీఆర్, మంత్రులు హరీశ్రావు, కేటీఆర్, సాంస్కృతిక సారథి చైర్మన్ రసమయి బాలకిషన్కు రుణపడి ఉంటా.
– గిద్దె రామనర్సయ్య