హైదరాబాద్, జూలై 7 (నమస్తే తెలంగాణ): తెలంగాణ వ్యవసాయశాఖ మంత్రి తుమ్మల నాగేశ్వరరావు ఏపీ ముఖ్యమంత్రి చంద్రబాబును ఆదివా రం హైదరాబాద్లోని ఆయన నివాసం లో మర్యాదపూర్వకంగా కలిశారు. ఈ సందర్భంగా జాతీయ రహదారులు, జలవనరులు, రైల్వేలైన్లు, పట్టిసీమ నుంచి ప్రకాశం బరాజ్కు అకడ నుంచి పులిచింతల, నాగార్జునసాగర్కు గోదావరి జలాల తరలింపుపై చర్చించారు.
పట్టిసీమ టు పులిచింతల లింక్తో రాయలసీమ సాగునీటి కష్టాలు తీరుతాయని, తెలంగాణకు మేలు జరుగుతుందని, సత్తుపల్లి నుంచి కోవూరు రైల్వేలైన్, పెనుబల్లి నుంచి కొండపల్లి రైల్వేలైన్ పనులు పూర్తయితే రెండు రాష్ట్రాలకు ప్రయోజనకరంగా ఉంటుందని తుమ్మల సూచించారు. భద్రాచలంలోని ఐదు గ్రామాల విలీనంపై చంద్రబాబుకు మంత్రి వివరించారు.