ములుగు : మిషన్ భగీరథ(Mission Bhagiratha) అంతర్గత తాగునీటి పైపు లైన్(Pipe Line) నిర్మాణాన్ని రాష్ట్ర పంచాయతీ రాజ్ గ్రామీణ అభివృద్ధి, గ్రామీణ నీటి సరఫరా శాఖ మంత్రి సీతక్క(Minister Seethakka ) ప్రారంభించారు. ములుగు జిల్లా వెంకటాపూర్ మండల కేంద్రంలో(Venkatapur) 49.53 లక్షల రూపాయల నాబార్డ్ నిధులతో నిర్మించనున్నారు. ఈ సందర్భంగా ఆమె మాట్లాడుతూ.. తాగునీటి సమస్యలు తలె త్తకుండా చర్యలు తీసుకుంటామన్నారు. పైప్లైన్ నిర్మాణాన్ని నాణ్యతా ప్రమాణాలు పాటించి సకాలంలో పూర్తి చేయాలని అధికారులను ఆదేశించారు. మంత్రి వెంట జిల్లా కలెక్టర్ దివాకర టీఎస్, అదనపు కలెక్టర్ స్థానిక సంస్థల పి.శ్రీజ తదితరులు ఉన్నారు.