హైదరాబాద్, జూలై 4 (నమస్తే తెలంగాణ) : కాంగ్రెస్ ప్రభుత్వం అధికారంలోకి వచ్చి ఏడు నెలలు అయిందని, ఎన్నికల్లో ఇచ్చిన హామీలను అమలు చేస్తున్నామని రెవెన్యూ శాఖ మంత్రి పొంగులేటి శ్రీనివాస్రెడ్డి అన్నారు. శ్రీలంకకు చెందిన మీడియా ప్రతినిధుల బృందం గురువారం సచివాలయంలో మంత్రిని కలిశారు. ఈ సందర్భంగా మంత్రి మాట్లాడుతూ.. జర్నలిస్టుల సంక్షేమానికి తమ ప్రభు త్వం పెద్దపీట వేస్తున్నట్టు చెప్పారు.
తెలంగాణకు ఘనమైన సాంసృతిక చరిత్ర, సహజ వనరులు ఉన్నాయని తెలిపారు.ఎమర్జింగ్ టెక్నాలజీ రంగంలోనూ రాష్ట్రం ముందంజలో ఉన్నట్టు వెల్లడించారు. అనంతరం శ్రీలంక జర్నలిస్టులు మాట్లాడుతూ.. ఎంసీఆర్హెచ్ఆర్డీలో మీడియా మేనేజ్మెంట్పై రెండు వారాల శిక్షణలో పాల్గొనేందుకు హైదరాబాద్ వచ్చినట్టు తెలిపారు. శిక్షణతో తాము ఎంతో ప్రయోజనం పొందినట్లు వెల్లడించారు. సమావేశంలో సమాచార పౌరసంబంధాల శాఖ కమిషనర్ హనుమంతరావు, అధికారులు పాల్గొన్నారు.