Minister Mallareddy | నెత్తిన గొంగడి, చేతిలో కర్రతో గొర్రెల వెంట వెళుతున్న ఈ వ్యక్తిని గుర్తు పట్టారా? అవును.. మంత్రి మల్లారెడ్డే. మేడ్చల్ మండలంలోని గౌడవెల్లి గ్రామం లో గురువారం పశుసంవర్ధకశాఖ ఆధ్వర్యంలో రెండో విడుత గొర్రెల పంపిణీ కార్యక్రమాన్ని నిర్వహించారు. మొత్తం 18 యూనిట్ల గొర్రెలను పంపిణీ చేయ గా, లబ్ధిదారులకు అందించిన గొర్రెలు గుంపుగా కనిపించడంతో సంతోషం పట్టలేని మంత్రి యాదవుల వద్ద ఉన్న గొంగడి వేసుకుని, కట్టె చేత పట్టుకుని కాసేపు గొర్రెల మంద వెంట తిరిగారు. ఆశ్చర్యానికి గురైన నాయకులు, యాదవులు సరదాగా కాసేపు నవ్వుకుని మంత్రిని అనుసరించారు.