హైదరాబాద్, నవంబర్ 29 (నమస్తే తెలంగాణ): ఒక బక్క పలుచని వీరుడు బందూకై తన జాతిని మేల్కొలిపిన రోజుగా దీక్షా దివస్ను టీఆర్ఎస్ వర్కింగ్ ప్రెసిడెంట్, రాష్ట్ర పురపాలక, ఐటీ శాఖ మంత్రి కేటీఆర్ అభివర్ణించారు. దీక్షా దివస్ సందర్భంగా మంగళవారం ఆయన ట్వీట్ చేశారు.
‘మీ పోరాటం అనితర సాధ్యం’ అంటూ సీఎం కేసీఆర్ను కీర్తించారు. ‘ఒక నవశకానికి నాంది పలికిన రోజు. ఒక్క బక్క పలుచని వీరుడు బందూకై తన జాతిని మేల్కొలిపిన రోజు. తెలంగాణ వైపు దేశం దృష్టి మరల్చే విధంగా తెగించిన రోజు. చరిత్రను మలుపు తిప్పిన రోజు 2009 నవంబర్ 29 తెలంగాణ చరిత్రలో చిరస్మణీయమైన రోజు’ అని ట్విట్టర్లో పేర్కొన్నారు.