హైదరాబాద్, మే 6(నమస్తే తెలంగాణ): ఐటీని రాష్ట్రంలోని ద్వితీయశ్రేణి నగరాలకు విస్తరించాలన్న ప్రభుత్వ సంకల్పం మంచి ఫలితాలను ఇస్తున్నదని మంత్రి కేటీఆర్ తెలిపారు.
వరంగల్ నగరంలో ఐటీ ఎకోసిస్టం బాగా రూపుదిద్దుకొంటున్నదని, ఎల్అండ్టీ, హెక్సాడ్, హెచ్ఆర్హెచ్ నెక్స్, జెన్ప్యాక్ట్ తదితర నాలుగు కంపెనీలు యువతకు 2,000కుపైగా ఉద్యోగావకాశాలు కల్పించనున్నాయని శనివారం ట్వీట్ చేశారు. సీఎం కేసీఆర్ ఆకాంక్షలకు అనుగుణంగా ఐటీ రంగం హైదరాబాద్ వెలుపల విజయవంతంగా విస్తరిస్తున్నదని పేర్కొన్నారు.