బీర్పూర్ (జగిత్యాల) : ఉమ్మడి రాష్ట్రంలో పరిపాలన కొనసాగించిన కాంగ్రెస్ ప్రభుత్వం కనీస అవసరాలను పట్టించుకోలేదని రాష్ట్ర సాంఘిక సంక్షేమ శాఖ మంత్రి కొప్పుల ఈశ్వర్(Minister Koppula) ఆరోపించారు. రాష్ట్ర ప్రజలకు కరెంటు ఎందుకు ఇవ్వలేదని, కాలువలు ఎందుకు తవ్వి వదిలేశారని ప్రశ్నించారు. మంగళవారం జగిత్యాల జిల్లా బీర్పూర్ మండలంలో రూ.136 కోట్లతో ఆధునీకరించిన రోళ్ల వాగు ప్రాజెక్ట్(Rollawagu Project)ను స్థానిక, శాసన సభ్యులు డాక్టర్సంజయ్ కుమార్, జడ్పీ చైర్మన్ దావా వసంత సురేష్తో కలిసి సందర్శించారు.
మంత్రి మాట్లాడుతూ కాలేశ్వరం ప్రాజెక్టు(Kaleshwar Project) వల్ల జిల్లా రైతాంగానికి మేలును పూర్తి వివరాలు ఇవ్వడానికి సిద్ధమని ప్రకటించారు. ప్రతిపక్ష నాయకులు ప్రజలను తప్పుదోవ పట్టించే ప్రయత్నం చేస్తున్నారని విమర్శించారు. ఒక్కో గ్రామంలో 40 వేల క్వింటాళ్ల వరకు ధాన్యం పండిందని అన్నారు. తెలంగాణలో వ్యవసాయాన్ని పండుగ చేసిన ఘనత సీఎం కేసీఆర్దే(CM KCR)నని వెల్లడించారు.
గతంలో రోళ్ల వాగు ప్రాజెక్టును ఆరుసార్లు నింపితే నీరు అందేదని, నేడు ఒక్కసారి నింపడంతో పంట సాగుకు సరిపోతుందని పేర్కొన్నారు.ఎన్నిక సమయంలో ప్రజలను తప్పుదోవ పట్టే విధంగా ఎమ్మెల్సీ, కాంగ్రెస్ నాయకుడు జీవన్ విష ప్రచారం చేస్తున్నారని ఆరోపించారు.40 సంవత్సరాలు అధికారంలో ఉన్న కాంగ్రెస్ అధికారానికే పరిమితం అయిందని, ప్రజల రైతుల అవసరాలు తీర్చలేక పోయిందని విమర్శించారు. ఈ కార్యక్రమంలో గ్రంథాలయ సంస్థ చైర్మన్ డాక్టర్ చంద్రశేఖర్ గౌడ్ ,డీసీఎంఎస్ చైర్మన్ శ్రీకాంత్ రెడ్డి ,ప్రజాప్రతినిధులు, అధికారులు పాల్గొన్నారు.