Medaram | హైదరాబాద్ : మేడారం జాతరకు వెళ్లలేని భక్తులు మొక్కులు సమర్పించుకునేందుకు దేవాదాయ శాఖ అవకాశం కల్పించింది. సమ్మక్క-సారలమ్మకు నిలువెత్తు బంగారం(బెల్లం) సమర్పించే సదుపాయాన్ని కల్పించింది. ఈ మొక్కుల చెల్లింపునకు ఆన్లైన్ సదుపాయం కల్పించింది దేవాదాయ శాఖ.
మీ సేవ, పోస్టాఫీసులు, టీయాప్ ఫోలియో ద్వారా బుక్ చేసుకోవచ్చు. బరువు ప్రకారం డబ్బులు చెల్లించి మొక్కు సమర్పణ సేవ బుక్ చేసుకునే అవకాశం కల్పించింది. కిలోకు రూ. 60 చెల్లించి బరువుకు తగిన బంగారం సమర్పించొచ్చు. ఆన్లైన్లో మేడారం సమ్మక్క-సారలమ్మ ప్రసాదం పొందే అవకాశం కూడా కల్పించింది దేవాదాయ శాఖ. డబ్బులు పంపిస్తే కొరియర్ ద్వారా ప్రసాదం పంపించనుంది తపాలా శాఖ. ఈ మేరకు మేడారం ఆన్లైన్ సేవలను మంత్రి కొండా సురేఖ ప్రారంభించింది.