Telangana | మెదక్ జిల్లా తూప్రాన్ సబ్ రిజిస్ట్రార్ రమణను అరెస్టు చేశారు. నకిలీ పత్రాలతో స్థలాన్ని విక్రయించినందుకు గానూ రమణతో పాటు మరో నలుగురిపై కేసు నమోదు చేసిన పోలీసులు.. వారిని అదుపులోకి తీసుకున్నారు.
వివరాల్లోకి వెళ్తే.. మనోహరాబాద్ మండలం కుచారంలో వెయ్యి గజాల స్థలాన్ని నకిలీ పత్రాలతో అరుణ్కుమార్, మరో 8 మంది కలిసి రూ.80 లక్షలకు విక్రయించారు. ఇందుకు సబ్ రిజిస్ట్రార్ రమణ సహకరించారు. నకిలీ పత్రాలతో ల్యాండ్ రిజిస్ట్రేషన్ చేశారని తెలుసుకున్న బాధితులు ఫిర్యాదు చేయడంతో పోలీసులు కేసు నమోదు చేసి.. నిందితుల్ని అదుపులోకి తీసుకున్నారు.