మహబూబాబాద్ : ఇచ్చిన హామీలన్నీ నెరవేర్చేదాకా ప్రభుత్వాలను ప్రశ్నిస్తామని మాజీ ఎంపీ మాలోతు కవిత(Malotu Kavitha) అన్నారు. బుధవారం మహబూబాబాద్(Mahbubabad) క్యాంప్ కార్యాలయంలో పాత్రికేయుల సమావేశంలో మాట్లాడారు. పోరాటమన్నది కొత్తకాదు. గెలిస్తే పొంగిపోయేది లేదు, ఓడిపోతే కృంగిపోయేది లేదన్నారు. సమస్యల పరిష్కారం కోసం ప్రజల పక్షాన నిలిచి పోరాడుతామన్నారు.
నా ప్రయాణంలో నాతో కలిసి వచ్చిన అభిమానులకు, కార్యకర్తలకు కష్ట నష్టాల్లో అందుబాటులో ఉంటారన్నారు. పార్లమెంట్ ఎన్నికల్లో(Parliament elections) కారు గుర్తుకు ఓటు వేసిన ప్రతి ఒక్కరికి శిరస్సువంచి కృతజ్ఞతలు తెలిపారు. ఈ కార్యక్రమంలో ఎమ్మెల్సీలు సత్యవతి రాథోడ్, రవీందర్ రావు, జడ్పీ చైర్పర్సన్ అంగోత్ బిందు, మాజీ ఎమ్మెల్యే శంకర్ నాయక్ తదితరులు పాల్గొన్నారు.