శంషాబాద్ రూరల్, జూన్ 20: మలేషియా ఎయిర్లైన్స్ విమానానికి ముప్పు తప్పింది. శంషాబాద్ ఎయిర్పోర్టు నుంచి బుధవారం రాత్రి 12.15 నిమిషాలకు 130 మంది ప్రయాణికులతో టేకాఫ్ అయిన 15 నిమిషాలకు విమానం కుడివైపున ఇంజిన్లో మంటలు చెలరేగాయి. గుర్తించిన పైలట్ గాలిలోనే చక్కర్లు కొడుతూ కిందకు దించేందుకు ఏటీసీ అధికారులను అనుమతి కోరారు. దీంతో అత్యవసర ల్యాండింగ్కు అనుమతివగా, శంషాబాద్ ఎయిర్పోర్టులో ల్యాండింగ్ చేశారు. మంటలను సి బ్బంది వెంటనే ఆర్పివేశారు. ప్రమాదం తప్పడంతో అధికారులు, ప్రయాణికులు ఊపిరిపీల్చుకున్నారు. సమస్యను పూర్తిగా పరిష్కరించిన అనంతరం విమానం కౌలాలంపూర్ బయలుదేరినట్టు ఎయిర్పోర్టు ప్రతినిధులు తెలిపారు.