హైదరాబాద్, మే 8 (నమస్తే తెలంగాణ): లోక్సభ ఎన్నికల్లో బీఆర్ఎస్ పార్టీనే అత్యధిక సీట్లు కైవసం చేసుకోబోతున్నదని ఆ పార్టీ గ్లోబల్ ఎన్నారై సెల్ సమన్వయకర్త మహేశ్ బిగాల ధీమా వ్యక్తంచేశారు. బీఆర్ఎస్కు, కేసీఆర్ బస్సుయాత్రకు ప్రజలు బ్రహ్మరథం పడుతున్నారని చెప్పారు. బుధవారం తెలంగాణభవన్లో మీడియాతో ఆయన మాట్లాడుతూ.. క్షేత్రస్థాయిలో పరిస్థితులు బీఆర్ఎస్ పార్టీకి అనుకూలంగా ఉన్నాయని చెప్పారు. తెలంగాణ ఎన్నారైలు కేసీఆర్ వెంట నడుస్తున్నారని, బృందాలుగా విడిపోయి వివిధ నియోజకవర్గాల్లో ఎన్నికల ప్రచారం నిర్వహిస్తున్నామని చెప్పారు.
బస్సు యాత్రతో బీఆర్ఎస్ అధినేత కేసీఆర్ బయటకు వచ్చాక కాంగ్రెస్, బీజేపీల్లో భయం మొదలైందని తెలిపారు. కేసీఆర్ బస్సు యాత్రతో బీఆర్ఎస్ పార్టీకి పూర్వ వైభవం వస్తుందని, కేంద్రంలో రాబోయేది సంకీర్ణ ప్రభుత్వమేని మహేశ్ బిగాల స్పష్టంచేశారు. బీఆర్ఎస్ పార్టీకి ఎనిమిది నుంచి 12 సీట్లు వస్తాయని, కేంద్రంలో కేసీఆర్ కీలక పాత్ర పోషిస్తారని చెప్పారు. ప్రజలు ఆలోచించి ఓటు వేయాలని విజ్ఞప్తిచేశారు. బీఆర్ఎస్ పార్టీ గెలుపు కోసం ఎన్నారైలు పని చేస్తున్నారని, బీఆర్ఎస్నేత అనిల్ కుర్మాచలం చెప్పారు. తెలంగాణను దేశంలో తిరుగులేని రాష్ట్రం గా కేసీఆర్ తీర్చిదిద్దారని చెప్పారు. సమావేశంలో మాజీ ఎమ్మెల్సీ ఎం శ్రీనివాస్ రెడ్డి, ఎన్నారై నాయకులు దూసరి అశోక్, రాజ్ కుమార్ పాల్గొన్నారు.