Lok Sabha Elections | హైదరాబాద్ : తెలంగాణలోని 17 లోక్సభ పరిధిలోని 119 అసెంబ్లీ సెగ్మెంట్లలో పోలైన ఓట్ల లెక్కింపు ఉదయం 8 గంటలకు ప్రారంభమైంది. పోస్టల్ బ్యాలెట్ల ఓట్లను లెక్కిస్తున్నారు. మరికాసేపట్లో ఈవీఎం ఓట్ల లెక్కింపు ప్రారంభం కానుంది. సికింద్రాబాద్ కంటోన్మెంట్ అసెంబ్లీ ఉప ఎన్నికకు కూడా ఓట్ల లెక్కింపు ప్రారంభమైంది.
సార్వత్రిక ఎన్నికల్లో భాగంగా నాలుగో దశలో రాష్ట్రంలోని 17 లోక్సభ స్థానాలకు మే 13వ తేదీన పోలింగ్ నిర్వహించిన సంగతి తెలిసిందే. ఓట్ల లెక్కింపు కోసం అధికారులు 34 ప్రాంతాల్లో 1,855 టేబుళ్లు ఏర్పాటు చేశారు. 2.18 లక్షల పోస్టల్ బ్యాలెట్లను కూడా లెక్కిస్తున్నారు.