నిజామాబాద్ సిటీ, మార్చి 7: పసుపు బోర్డు వెంటనే ఏర్పాటు చేయాలని రైతు ఐక్యవేదిక నాయకులు డిమాండ్ చేశారు. పసుపు బోర్డు ఏర్పాటు చేయాలని డిమాండ్ చేస్తూ ఆయా జిల్లాల ఐక్యవేదికల నాయకులు గత గురువారం జగిత్యాల జిల్లా ముత్యంపల్లి నుంచి ప్రారంభించిన పాదయాత్ర సోమవారం నిజామాబాద్కు చేరుకున్నది. ర్యాలీగా కలెక్టరేట్కు చేరుకొని నిరసన తెలిపారు. ఈ సందర్భంగా రైతు నాయకులు మాట్లాడుతూ.. ఐదు రోజుల్లోనే పసుపు బోర్డు ఏర్పాటు చేయిస్తానని, క్వింటాల్కు రూ.15 వేలు మద్దతు ధర ఇప్పిస్తామని ధర్మపురి అర్వింద్ ఇచ్చిన హామీలను ఇప్పటికి నెరవేర్చలేదని మండిపడ్డారు. కార్యక్రమంలో రైతు నాయకులు ప్రభాకర్, దేగాం యాదాగౌడ్, లింగారెడ్డి తదితరులు పాల్గొన్నారు.