హైదరాబాద్, జూలై 24 (నమస్తే తెలంగాణ): బీఆర్ఎస్ వర్కింగ్ ప్రెసిడెంట్, ఎమ్మెల్యే కేటీఆర్ను ‘నూరేండ్లు వర్ధిల్లు’ అంటూ పార్టీ అధినేత కేసీఆర్ ఆశీర్వదించారు. తన పుట్టినరోజు సందర్భంగా బుధవారం కేటీఆర్ తల్లిదండ్రుల ఆశీర్వాదం తీసుకున్నారు. హైదరాబాద్ నందినగర్లోని నివాసంలో కేసీఆర్, శోభమ్మ దంపతులను సతీమణి శైలిమ, కుమారుడు హిమాన్షు, కూతురు అలేఖ్యతో కలిసి దీవెనలు అందుకున్నారు. కార్యక్రమంలో ఎమ్మెల్సీ శంభీపూర్ రాజు, మాజీ ఎమ్మెల్యేలు బాల్క సుమన్, జీవన్రెడ్డి తదితరులు ఉన్నారు. కేటీఆర్ పుట్టినరోజు సందర్భంగా పలుచోట్ల వివిధ సామాజిక సేవా కార్యక్రమాలను నిర్వహించారు.
అసెంబ్లీలో కేటీఆర్కు శుభాకాంక్షల వెల్లువ
బీఆర్ఎస్ వర్కింగ్ ప్రెసిడెంట్, ఎమ్మెల్యే కేటీఆర్ జన్మదినాన్ని పురస్కరించుకుని శాసనసభలో సభ్యుల నుంచి శుభాకాంక్షలు వెల్లువెత్తాయి. బుధవారం ఉదయం 10 గంటలకు సభ ప్రారంభంకాగానే స్పీకర్ గడ్డం ప్రసాద్కుమార్ తొలుత కేటీఆర్కు జన్మదిన శుభాకాంక్షలను తెలిపారు. అనంతరం బీఆర్ఎస్ ఎమ్మెల్యేలు ఒక్కొక్కరుగా కేటీఆర్ సీటు వద్దకు వెళ్లి కరచాలనం చేస్తూ శుభాకాంక్షలు అందజేశారు. టీ బ్రేక్ సమయంలో కాంగ్రెస్ ఎమ్మెల్యేలు వివేక్, విప్, వేములవాడ ఎమ్మెల్యే ఆది శ్రీనివాస్, ఎమ్మెల్యే మదన్మోహన్, బీజేపీ, ఎంఐఎం ఎమ్మెల్యేలు సైతం కేటీఆర్ వద్దకు వెళ్లి జన్మదిన శుభాకాంక్షలు తెలిపి, ఆయనతో కొద్దిసేపు ముచ్చటించారు.
శాసనమండలి సమావేశాలు ముగియగానే బీఆర్ఎస్ ఎమ్మెల్సీలందరూ అసెంబ్లీకి వచ్చి కేటీఆర్కు జన్మదిన శుభాకాంక్షలు తెలిపారు. మాజీ మంత్రి హరీశ్రావు, శాసనమండలి బీఆర్ఎస్ పక్ష నేత ఎస్ మధుసూదనాచారి, మాజీ మంత్రులు, ఎమ్మెల్యేలు మహమూద్ అలీ, వేముల ప్రశాంత్రెడ్డి, సబితా ఇంద్రారెడ్డి, సునీతా లక్ష్మారెడ్డి, జీ జగదీశ్రెడ్డి, గంగుల కమలాకర్, మల్లారెడ్డి, తలసాని శ్రీనివాస్యాదవ్, కొప్పుల ఈశ్వర్, ఎమ్మెల్యేలు పల్లా రాజేశ్వర్రెడ్డి, కొత్త ప్రభాకర్రెడ్డి, పాడి కౌశిక్రెడ్డి, కేపీ వివేకానంద, మర్రి రాజశేఖర్రెడ్డి, కే సంజయ్, కోవా లక్ష్మి, ఎమ్మెల్సీలు బండ ప్రకాశ్, శేరి శుభాశ్రెడ్డి, దేశపతి శ్రీనివాస్, శంబీపూర్ రాజు, తాతా మధు, సత్యవతి రాథోడ్, ఎల్ రమణ, మాజీ ఎమ్మెల్యేలు, పార్టీ నాయకులు కేటీఆర్కు శుభాకాంక్షలు తెలిపారు.
తెలంగాణ భవన్లో రక్తదానం
కేటీఆర్ జన్మదినం సందర్భంగా హైదరాబాద్ తెలంగాణ భవన్లో ఘనంగా వేడుకలు నిర్వహించారు. ఈ సందర్భంగా బీఆర్ఎస్వీ ఆధ్వర్యంలో రక్తదాన శిబిరం నిర్వహించారు. బీఆర్ఎస్వీ నాయకులు పెద్ద ఎత్తున రక్తదానం చేశారు. అంతకు ముందు మాజీ మంత్రి వీ శ్రీనివాస్గౌడ్, మాజీ ఎమ్మెల్యే బాల్క సుమన్, మాజీ ఎంపీలు రావుల చంద్రశేఖర్రెడ్డి, లింగయ్యయాదవ్, బీఆర్ఎస్వీ రాష్ట్ర అధ్యక్షుడు గెల్లు శ్రీనివాస్యాదవ్ భారీ కేక్ కట్ చేశారు. కార్యక్రమంలో బీఆర్ఎస్ నాయకులు రాకేశ్కుమార్, రామ్మూర్తియాదవ్, రాజీవ్సాగర్, పల్లె రవికుమార్, రూప్సింగ్, అంజనేయగౌడ్, బీఆర్ఎస్వీ నాయకులు పెద్ద ఎత్తున పాల్గొన్నారు.
ఓయూలో గాదరి కిశోర్ ఆధ్వర్యంలో వేడుకలు
ఉస్మానియా యూనివర్సిటీ బీఆర్ఎస్వీ శాఖ ఆధ్వర్యంలో ఓయూ ఆర్ట్స్ కాలేజీ ఆవరణలో మొకలు నాటి, కేక్ కట్ చేసి కేటీఆర్ పుట్టినరోజు వేడుకలను ఘనంగా నిర్వహించారు. ఈ వేడుకల్లో మాజీ ఎమ్మెల్యే గాదరి కిశోర్కుమార్ పాల్గొని మొక్కలు నాటారు. కార్యక్రమంలో బీఆర్ఎస్వీ నాయకులు నేవూరి ధర్మేందర్రెడ్డి, పల్లా ప్రవీణ్రెడ్డి, వల్లమల్ల కృష్ణ, వీరబాబు, మంద సురేశ్, కడారి స్వామి, పడాల సతీశ్, జంగం అవినాశ్, గదరాజు చందు, జహీర్ఖాన్ తదితరులు పాల్గొన్నారు.
లండన్లో కేటీఆర్ జన్మదిన వేడుకలు
బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ జన్మదిన వేడుకలను బుధవారం లండన్లో ఘనంగా నిర్వహించారు. ఎన్నారై బీఆర్ఎస్ యూకే శాఖ అధ్యక్షుడు అశోక్గౌడ్ దూసరి కేక్ కట్చేశారు. కార్యక్రమంలో యూకే కమిటీ ప్రధాన కార్యదర్శి, టాక్ అధ్యక్షుడు రత్నాకర్ కడుదుల, నాయకులు నవీన్రెడ్డి, ప్రవీణ్ వీర, హరిగౌడ్ నవాబీపేట్, శ్రీకాంత్ జెల్ల, సత్య చిలుముల, జాయింట్ సెక్రటరీ మల్లారెడ్డి బీరం, సతీశ్రెడ్డి గొట్టెముకుల, రవిప్రదీప్ పులుసు, రవి రేతినేని తదితరులు పాల్గొన్నారు.