ముస్తాబాద్, జూలై 25: బీఆర్ఎస్ వరింగ్ ప్రెసిడెంట్, సిరిసిల్ల ఎమ్మెల్యే కేటీఆర్ పేదలపై ఉన్న మమకారాన్ని మరోసారి చాటుకున్నారు. అస్సాంలోని గౌహతి ఐఐటీలో సీటు సాధించిన నిరుపేద విద్యార్థిని చదువుకయ్యే ఖర్చం తా భరిస్తానని హామీ ఇచ్చారు. రాజన్న సిరిసిల్ల జిల్లా ముస్తాబాద్ మండలం గూడెం గ్రామానికి చెందిన సోంరెడ్డి పద్మ-చంద్రంది నిరుపేద కుటుంబం. వీరి కొడుకు దుర్గాప్రసాద్ మెకానిక్గా పనిచేస్తుండగా, కూతురు దీప్తి 10వ తరగతి వరకు ఇంటివద్ద చదివి మండలంలోని నామాపూర్ మాడల్ స్కూల్లో ఇంటర్ పూర్తి చేసింది. ఇటీవలే గౌహతి ఐఐటీలో డాటా సైన్స్ అండ్ ఆర్టిఫిషియల్ ఇంటెలిజెన్స్ కోర్సు లో సీటు సాధించింది.
ప్రతిష్ఠాత్మక విద్యాసంస్థలో చదివేందుకు కావాల్సినంత ఆర్థిక స్థోమ త ఆ కుటుంబానికి లేదు. దీప్తి కుటుంబ సభ్యు లు దాతల నుంచి ఆర్థిక సాయం కోసం ప్రయత్నించారు. ఈ విషయం కేటీఆర్ దృష్టికి రావడంతో ఆయన ఆ కుటుంబానికి అండగా నిలిచారు. బర్త్ డే సందర్భంగా తనను కలిసేందుకు హైదరాబాద్ వచ్చిన దీప్తి కుటుంబానికి కేటీఆర్ ఆర్థిక సాయం అందిస్తానని హామీ ఇచ్చా రు. దీప్తి నాలుగేండ్ల కోర్సు పూర్తి చేయడానికి కావాల్సిన మొత్తం ఖర్చు భరిస్తానని చెప్పారు. కేటీఆర్ పుట్టిన రోజు సందర్భంగా ‘గిఫ్ట్ ఏ స్మైల్’ కార్యక్రమంలో భాగంగా దీప్తికి ల్యాప్టాప్ను బహూకరించారు.