నీట్ లీకేజీ లక్షలమంది విద్యార్థులను, తల్లిదండ్రులను తీవ్రంగా కలచివేస్తున్న అంశం. దాన్ని పరిష్కరించాల్సిందిపోయి అసలది సమస్యే కాదన్నట్టుగా కేంద్ర ప్రభుత్వం వ్యవహరించడం దారుణం.
-కేటీఆర్, బీఆర్ఎస్ వర్కింగ్ ప్రెసిడెంట్
KTR | హైదరాబాద్, జూన్ 17 (నమస్తే తెలంగాణ): లక్షలాది విద్యార్థులను, వారి తల్లిదండ్రులను తీవ్రంగా కలచివేస్తున్న అంశాన్ని పరిష్కరించాల్సిందిపోయి అసలది సమస్యే కాదన్నట్టుగా కేంద్ర ప్రభుత్వం వ్యవహరించడం దారుణమని బీఆర్ఎస్ వర్కింగ్ ప్రెసిడెంట్ కే తారకరామారావు ఆగ్రహం వ్యక్తంచేశా రు. కేంద్ర విద్యాశాఖ మంత్రి నీట్ విషయంలో చేసిన వ్యాఖ్యలను ఆయన ఎక్స్ వేదికగా తప్పుబట్టారు. దేశవ్యా ప్తంగా నీట్ పరీక్షా వ్యవహారంపై దుమారం చెలరేగుతుండగా కేంద్ర మంత్రి వ్యాఖ్యలు తీవ్ర ఆక్షేపణీయంగా ఉన్నాయని మండిపడ్డారు.