నందికొండ, మార్చి 22 : నాగార్జున సాగర్ డ్యామ్ను సాధారణ పరిశీలనలో భాగంగా శుక్రవారం కృష్ణా రివర్ మేనేజ్మెంట్ బోర్డు సభ్యులు సందర్శించారు. కేఆర్ఎంబీ బృందం సభ్యుడు డాక్టర్ ఆర్ఎస్ సాంఖున ఆధ్వర్యంలో ఈఈ శివ శంకరయ్య, రఘునాథ్రావు తదితరులు డ్యామ్కు వచ్చారు. నందికొండ హిల్కాలనీలోని అతిథి గృహం విజయవిహార్కు చేరుకొని అనంతరం అధికారులతో సమీక్ష నిర్వహించారు. ఆ తర్వాత నాగార్జునసాగర్ డ్యామ్, గ్యాలరీ, క్రస్ట్ గేట్లు, వాక్వే బ్రిడ్జి, స్పిల్వే, ఎడమ, కుడి జల విద్యుత్తు కేంద్రాలను పరిశీలించారు. డ్యామ్పైకి ఆంధ్రా వారు దౌర్జన్యంగా చొరబడిన నేపథ్యంలో డ్యామ్ను కేంద్రం ఆధీనంలో తీసుకొని సీఆర్పీఎఫ్ బలగాలను మోహరించింది.