హైదరాబాద్ : పార్లమెంటు ఎన్నికల్లో బీఆర్ఎస్ శ్రేణులు కలిసికట్టుగా పని చేశారు. కాంగ్రెస్ ప్రభుత్వ పనితీరుపై ప్రజలు స్పష్టమైన తీర్పు ఇచ్చారని పెద్దపల్లి బీఆర్ఎస్ ఎంపీ అభ్యర్థి, మాజీ మంత్రి కొప్పుల ఈశ్వర్(Koppula Eshwar) అన్నారు. మంగళవారం పెద్దపల్లి జిల్లాలో మీడియా సమావేశంలో మాట్లాడారు. కాంగ్రెస్ ప్రభుత్వం హామీలు(Congress promises) అమలాయ్యేంత వరకు ప్రజలతో కలిసి పోరాటం చేస్తామని చెప్పారు.
సింగరేణి కార్మికులకు ఐటీ మినహాహింపు, కాంట్రాక్ట్ కార్మికులకు హైపవర్ వేతనాలు సాధించేందుకు కృషి చేస్తానని తెలిపారు. ఈ పార్లమెంట్ ఎన్నికల్లో(Parliament elections) బీఆర్ఎస్ పార్టీ గెలుపు కోసం అహర్నిశలు కష్టపడ్డ గులాబీ సైనికులందరికీ హృదయపూర్వక ధన్యవాదాలు తెలియజేస్తున్నట్లు కొప్పుల ఈశ్వర్ పేర్కొన్నారు. ఎన్నికలతో సంబంధం లేకుండా నిత్యం ప్రజా సమస్యలపై ఉద్యమిస్తానని స్పష్టం చేశారు.