పెద్దపల్లి : రాష్ట్రంలో సాగు నీరు లేక పంటలు ఎండిపోయిన(Dry crops) రైతులను(Farmers) ప్రభుత్వం రైతులను అన్ని విధాల ఆదుకోవాలని మాజీ మంత్రి, పెద్దపల్లి బీఆర్ఎస్ లోక్సభ అభ్యర్థి కొప్పుల ఈశ్వర్(Koppula Eshwar) డిమాండ్ చేశారు. ఈ మేరకు జిల్లా అదనపు కలెక్టర్ శ్యాం ప్రసాద్ లాల్ కు వినతి పత్రం సమర్పించారు. ఈ సందర్భంగా ఆయన మాట్లాడుతూ.. కాంగ్రెస్ ప్రభుత్వ పాలనలో రైతులు అనేక ఇబ్బందులు ఎదుర్కొంటున్నారని తెలిపారు.
పాలనపై అవగాహన లేక పంటలకు నీళ్లు అందించకపోవడంతో పంటలు ఎండి రైతులు అప్పుల పాలవు తున్నారని ఆవేదన వ్యక్తం చేశారు. ప్రభుత్వం ఇప్పటికైనా స్పందించి వెంటనే రైతులను ఆదుకో వాలన్నా రు. లేదంటే పెద్ద ఎత్తున ఉద్యమం చేపడుతామని హెచ్చరించారు. ఆయన వెంట జిల్లా పరిషత్ చైర్మన్ పుట్ట మధుకర్, బీఆర్ఎస్ పార్టీ జిల్లా అధ్యక్షుడు కోరుకంటి చందర్, మాజీ ఎమ్మెల్యే దాసరి మనోహర్ రెడ్డి, జిల్లా గ్రంథాలయ సంస్థ రఘువీర్ సింగ్, బీఆర్ఎస్ నాయకురాలు దాసరి ఉష, తదితరులు ఉన్నారు.