హైదరాబాద్ : కాంగ్రెస్ ప్రభుత్వం(Congress) తెలంగాణ అసెంబ్లీలో ప్రవేశపెట్టిన బడ్జెట్పై(Telangana budget) మాజీ మంత్రి కొప్పుల ఈశ్వర్(Koppula Eshwar )ఫైర్ అయ్యారు. ఈ సందర్భంగా ఆయన మాట్లాడుతూ.. బడ్జెట్లో రైతు భరోసా, దళితబంధు, గొర్రెల పంపిణీ పథకం, మత్స్యకారులకు భరోసా, తదితర పథకాలకు కేటాయింపులే లేవన్నారు. రూ.2 లక్షల రైతు రుణమాఫీ పేరుతో కొత్త నాటకానికి తెరలేపారని విమర్శించారు. బడ్జెట్ వాస్తవానికి దూరంగా ఉందన్నారు.
కాంగ్రెస్ ప్రభుత్వం పూర్తిగా రైతు వ్యతిరేక ప్రభుత్వం అని మండిపడ్డారు. ఈ ప్రభుత్వం ఏ ఒక్క పాలసీని తయారు చేయలేదన్నారు. ప్రభుత్వానికి పాలసీ లేదని బడ్జెట్ చూసిన తర్వాత అర్థమైందని పేర్కొన్నారు. కల్యాల లక్ష్మి, తులం బంగారం ఇస్తారో ఇవ్వరో దానిపై స్పష్టత లేదన్నారు. కాంగ్రెస్ ప్రభుత్వం వ్యవసా యాన్ని సర్వనాశనం చేసిందని ఆరోపించారు. కాంగ్రెస్ పార్టీ హామీ ఇచ్చిన ఆరు హామీలకు అతిగతీ లేదు. కాంగ్రెస్ పార్టీ సర్కార్ ప్రజలకు చేసింది ఏమీ లేదు. ఈరోజు ఆర్థిక ప్రసంగం, రాజకీయ ప్రసంగంలా ఉందన్నారు. ప్రభుత్వం అన్ని వర్గాలను మోసం చేసిందని కొప్పుల ఆగ్రహం వ్యక్తం చేశారు.