Runa Mafi | నిజామాబాద్, జూలై 23 (నమస్తే తెలంగా ణ ప్రతినిధి): కామారెడ్డి జిల్లాలో అసలు రుణాలే తీసుకోని రైతులకు రుణమాఫీ జరిగినట్టుగా మెసేజ్లు రావడంతో రైతులు నిర్ఘాంతపోయారు. రామారెడ్డి, సదాశివనగర్, మాచారెడ్డి, గాంధారి మండలాల్లోని వందలాది రైతులకు రుణమాఫీ జరిగినట్టు మెసేజ్లు వచ్చాయి. దీంతో ఆయా రైతులు స్థానిక బ్యాంకులకు వెళ్లి ఆరా తీయగా, వాటితో తమకు సంబంధం లేదని బ్యాంక్ అధికారులు తేల్చి చెప్పారు. అధికారుల వద్దకు వెళ్తే వారి నుంచీ సమాధానం లేదు. అసలు తాము రుణమే తీసుకోలేదని, మాఫీ ఎలా అవుతుందని ప్రశ్నిస్తున్న రైతులు.. తమకు తెలియకుండా తమ పేరిట ఎవరైనా రుణాలు తీసుకుని ఉండొచ్చని అనుమానిస్తున్నారు. స్థానికంగా ఉన్న గాయత్రి షుగర్ ఫ్యాక్టరీతో రైతులకు చెరుకు పంట సాగు విషయంలో బైబ్యాక్ ఒప్పందాలున్నాయి. ఆ యా రైతుల వివరాలు సదరు యాజమాన్యం వద్ద ఉన్నాయి. షుగర్ ఫ్యాక్టరీ రూపంలో తప్ప వేరే ఇతర మార్గాల్లో రుణాలు మంజూరయ్యేందుకు అవకాశాలే లేవని రైతులు భావిస్తున్నారు.
చెరుకు రైతుల పేరిట ఫ్యాక్టరీ యాజమాన్యం బ్యాంకుల నుంచి భారీగానే రుణాలు తీసుకున్న ట్టు తెలిసింది. రాష్ట్ర ప్రభుత్వం మొదటి విడుత లో రూ.లక్షలోపు రుణాలను మంజూరు చేయ గా, ఆయా మండలాల్లోని సుమారు 400 మంది రైతులకు రుణమాఫీ జరిగినట్టు మెసేజ్లు వచ్చా యి. రూ.26 వేల నుంచి రూ.90 వేల వరకు రు ణాలు మాఫీ అయినట్టు పలువురికి సమాచారం వచ్చింది. షుగర్ ఫ్యాక్టరీ యాజమాన్యం వద్ద రైతులకు సంబంధించిన పట్టాదారు పాస్బుక్, బ్యాంకు ఖాతా వివరాలున్నాయి. దీంతో ఫ్యాక్టరీకి సంబంధించిన వారు ఎవరైనా రైతులకు తెలియకుండా రుణాలు తీసుకున్నారా? అనే అనుమానాలు వ్యక్తమవుతున్నాయి. ఫ్యాక్టరీ యాజమాన్యానికి రుణాల కోసమని ఎలాంటి పత్రాలు ఇవ్వలేదని, బైబ్యాక్ ఒప్పందాలపై సంతకాలు మినహా మిగిలిన వ్యవహారాలు తమకేమీ తెలియదని రైతులు చెప్తున్నారు.
బైబ్యాక్ ఒప్పందాల్లో భాగంగా ఈ తంతు చేపట్టారా? లేక రైతుల సం తకాలను ఫోర్జరీ చేశారా? అన్నది తేలాల్సి ఉన్న ది. ఫ్యాక్టరీకి రైతులకు మధ్య జరిగే ఒప్పందాల్లో భాగంగా చెరకు మొక్కలు, ఎరువులు, ఇతరత్రా సాంకేతిక సహకారాన్ని ఫ్యాక్టరీ అందిస్తుంది. పం ట చేతికొచ్చిన తర్వాత యాజమాన్యమే సేకరిస్తుంది. బైబ్యాక్ ఒప్పందం ఇంతవరకు పరిమి తం కాగా, రైతుల పేరిట రుణాలను స్వీకరించే అవకాశం లేదు. రైతులకు తెలియకుండా రుణా లు స్వీకరించడం అన్నది ఇప్పుడు అనుమానాలకు తావిస్తున్నది. షుగర్ ఫ్యాక్టరీలో పని చేస్తున్న ఉద్యోగులు ఈ మోసానికి పాల్పడ్డారా? లేదంటే యాజమాన్యమే ఉద్దేశపూర్వకంగా రుణాలను తీసుకున్నదా? ఇతర వ్యక్తులెవరైనా రంగప్రవేశం చేసి రైతులను ముంచేశారా? అన్నది సమగ్ర విచారణ జరిపిస్తే తప్ప తేలే అవకాశం లేదు.
రుణాల విషయంలో స్పందించేందుకు షుగర్ ఫ్యాక్టరీ యాజమాన్యం నుంచి ఎవ్వరూ ముందు కు రావడం లేదు. ఫ్యాక్టరీ బాధ్యులెవరూ ఫోన్లు ఎత్తడం లేదు. రుణాల మంజూరులో ఫ్యాక్టరీ యాజమాన్యం లేదా ఉద్యోగుల పాత్రతోపాటు బ్యాంకర్ల మద్దతు వంద శాతం ఉండే ఉంటుందని రైతులు అనుమానిస్తున్నారు. చెరుకు రైతులంతా కామారెడ్డి జిల్లాలోని స్థానిక బ్యాంకుల్లోనే ఖాతాలు తెరిచారు. షుగర్ ఫ్యాక్టరీ నుంచి చెల్లింపులు వాటి ద్వారానే అందుతున్నాయి. అయితే, రుణమాఫీకి సంబంధించిన మెసేజ్లు మాత్రం నిజామాబాద్ జిల్లా కేంద్రంలోని యూనియన్ బ్యాంక్ ఆఫ్ ఇండియా- నాందేవ్వాడ బ్రాంచ్ పేరిట వచ్చాయి. రుణాలు మాఫీ చేసినట్టు ప్రభు త్వం తరఫున సీఎం రేవంత్రెడ్డి పేరిట సందేశా లు రావడంతో ఈ వ్యవహారం వెలుగులోకి వ చ్చింది. 400 మంది బాధితులు ఉండగా, మొ త్తం రుణం విలువ రూ.కోటిన్నర వరకు ఉండొచ్చని సమాచారం. రూ.లక్షన్నర, రూ.2 లక్షలోపు రుణాలు రద్దు అయితే అప్పుడు మరికొంత మంది రైతుల పేరిట తీసుకున్న రుణాలు వెలుగు చూసే అవకాశం ఉన్నదని సదాశివనగర్ మాజీ జడ్పీటీసీ రాజేశ్వరరావు పేర్కొన్నారు.
బ్యాంకు అధికారులు, వ్యవసాయాధికారుల తో గాయత్రి షుగర్ ఫ్యాక్టరీ యాజమాన్యం కు మ్మక్కై నడిపించిన ఈ తతంగంలో పెద్ద మాస్టర్ ప్లాన్ ఉన్నట్టు తెలిసింది. రైతుల సమ్మతి లేకుండానే బ్యాంకర్లు లోన్ ఎలా మంజూరు చేశారని అన్నదాతలు ప్రశ్నిస్తున్నారు. రుణమాఫీ మెసేజ్ల ఫ్యాక్టరీ అక్రమాల గుట్టురట్టయింది. మొత్తానికి రైతుల ఆందోళనతో షుగర్ ఫ్యాక్టరీ యాజమాన్యం కాళ్ల బేరానికి వచ్చినట్టు సమాచారం.. రైతులకు వచ్చిన మెసేజ్ ఆధారంగా చెక్కుల రూపంలో తిరిగి చెల్లింపులు జరుపుతామంటూ బేరసారాలు సాగిస్తున్నట్టు తెలిసింది.
నేను ఏ బ్యాంకులో కూడా రుణం తీసుకోలేదు. కానీ, రూ.20,391 లోన్ మాఫీ అయినట్టు నిజామాబాద్ యూనియన్ బ్యాంక్ నుంచి ముఖ్యమంత్రి పేరిట మెసేజ్ వచ్చింది. గిట్లెట్ల అయిందని ఆరా తీసినా చెప్పెటోళ్లు లేరు. చెరుకు పర్మిట్ అగ్రిమెంట్ కోసమని షుగర్ ఫ్యాక్టరీ వాళ్లు నా పట్టాదారు పాస్బుక్, ఫొటో, సంతకం తీసుకున్నారు. వాళ్లే నా పేరిట లోన్ తీసుకున్నట్టున్నారు.
– బొలగం వెంకటరాములు, రైతు, పోసానిపేట, రామారెడ్డి మండలం
ఫ్యాక్టరీ వారే 2,500 మంది రైతుల పేరిట రుణాలు తీసుకున్నా రు. తొలి విడతలో 400 మంది రైతులకు మాఫీ అయింది. అస లు రుణాలు తీసుకోకుండానే మాఫీ ఏమిటో అర్థం కాక రైతు లు వెళ్లి అడిగితే తమ బ్రాంచ్ నుంచి కాలేదని బ్యాంకర్లు చెప్తున్నారు. ఫ్యాక్టరీ అధికారులను అడిగితే సంస్థ తరఫున రైతుల పేరిట రుణం తీసుకున్నామని చెప్పిండ్రు.
– నారెడ్డి దశరథ్రెడ్డి, సొసైటీ మాజీ చైర్మన్
నేను లోన్ తీసుకోలేదు. రూ.23,666 మాఫీ అయిందని యూనియన్ బ్యాంక్ నుంచి మెసేజ్ వచ్చిం ది. గతంలో మాతో అగ్రిమెంట్ చేసుకున్నప్పుడే ఇదేమిటని అడిగితే పంటకు సంబంధించినది అని వాళ్లు చెప్పిండ్రు. మా పేరిట లోన్ తీసుకున్నట్టు ఇప్పుడు తెలిసింది. ప్రభుత్వం మాఫీ చేసిన క్రాప్లోన్ సొమ్మును మాకే ఇవ్వాలె.
– తాడ్వాయి అశోక్, రైతు, పోసానిపేట