హైదరాబాద్, ఏప్రిల్ 24 (నమస్తే తెలంగాణ): స్టేషన్ఘన్పూర్, భద్రాచలం స్థానాల నుంచి బీఆర్ఎస్ మ్యానిఫెస్టోపై ఆ పార్టీ చిహ్నంపై ఎమ్మెల్యేలుగా గెలిచిన కడియం శ్రీహరి, తెల్లం వెంకట్రావు కాంగ్రెస్ పార్టీలో చేరడాన్ని సవాల్చేస్తూ బీఆర్ఎస్ ఎమ్మెల్యే కేపీ వివేకానంద హైకోర్టును ఆశ్రయించారు. బీఆర్ఎస్ తరఫున గెలిచాక కాంగ్రెస్లో చేరారని, పార్టీ ఫిరాయింపుల చట్టం ప్రకారం ఇద్దరు ఎమ్మెల్యేలను అనర్హులుగా ప్రకటించాలని కోరారు. రాజ్యాంగంలోని 10వ షెడ్యూల్ ప్రకారం శ్రీహరి, వెంకట్రావు ఎమ్మెల్యేలుగా కొనసాగేందుకు అర్హులు కాదని తెలిపారు.