హైదరాబాద్, జూలై25 (నమస్తే తెలంగాణ): దక్షిణ మధ్య రైల్వే ప్రిన్సిపల్ చీఫ్ కమర్షియల్ మేనేజర్గా ఎంఎస్కే పద్మజ సికింద్రాబాద్ రైల్ నిలయంలో గురువారం ఉద్యోగ బాధ్యతలు స్వీకరించారు. ఆ బాధ్యతలను స్వీకరించిన మొట్టమొదటి మహిళా కావడం విశేషం. ఆమెకు రైల్ నిలయం అధికారులు శుభాకాంక్షలు తెలిపారు. పుష్పగుచ్ఛాలతో స్వాగతం పలికారు.
నేటి నుంచి పాలిసెట్ స్పెషల్ కౌన్సెలింగ్
హైదరాబాద్, జూలై 25 (నమస్తే తెలంగాణ): పాలిటెక్నిక్ కాలేజీలలో మిగులు సీట్ల భర్తీకి నేటి (శుక్రవారం)నుంచి స్పెషల్ ఫేజ్ కౌన్సెలింగ్ ప్రారంభిస్తున్నట్టు అడ్మిషన్ కన్వీనర్ దేవసేన గురువారం ప్రకటన విడుదల చేశారు. 27న సర్టిఫికెట్ల వెరిఫికేషన్, 27 నుంచి 28 వరకు వెబ్ ఆప్షన్ల నమోదు, 31న సీట్ల కేటాయింపు ఉంటుందని పేర్కొన్నారు. వివరాలకు https://tgpolycet. nic.in వెబ్సైట్ను సంప్రదించాలని సూచించారు.
26 నుంచి ఎప్సెట్ సెకండ్ ఫేజ్
హైదరాబాద్, జూలై 25 (నమస్తే తెలంగాణ): ఇంజినీరింగ్ కాలేజీలలో సీట్ల భర్తీకి సెకండ్ ఫేజ్ కౌన్సెలింగ్ నిర్వహిస్తున్నట్టు కన్వీనర్ దేవసేన తెలిపారు. గురువారం షెడ్యూల్ విడుదల చేశారు. 26న కౌన్సెలింగ్కు ఫీజు చెల్లింపుతో పాటు స్లాట్ బుకింగ్ ఉంటుంది. 27న సర్టిఫికెట్ల వెరిఫికేషన్, 27 నుంచి 28 వరకు ఆప్షన్ల నమోదు, 31న సెకండ్ ఫేజ్ సీట్ల కేటాయింపు చేయనున్నట్టు అడ్మిషన్ కన్వీనర్ తెలిపారు. వివరాలకు https://tgeapcet.nic.in వెబ్సైట్ను సంప్రదించాలని తెలిపారు.