హైదరాబాద్, జూలై 15 (నమస్తే తెలంగాణ): జస్టిస్ పీసీ ఘోష్ కమిషన్ సోమవారం పలువురు ఐఏఎస్లు, మాజీ ఐఏఎస్లను విచారించింది. ‘కాళేశ్వరం ప్రాజెక్టులో మీ పాత్ర ఏమిటి?, అనుమతు లు, ఆర్థిక అంశాల్లో మీరు ఎలాంటి పాత్ర పోషించారు?’ అని ప్రశ్నించినట్టు తెలిసిం ది. ఆర్థిక శాఖ ప్రత్యేక ప్రధాన కార్యదర్శి రామకృష్ణారావు, ఐఏఎస్ అధికారులు రా హుల్ బొజ్జా, స్మితా సబర్వాల్, వికాస్ రా జ్, మాజీ ఐఏఎస్లు సోమేశ్ కుమార్, రజ త్కుమార్, ఎస్కే జోషి విచారణకు హాజర య్యారు.
వీరిలో ఎస్కే జోషి ఆన్లైన్లో వీడియో కాన్ఫరెన్స్ ద్వారా హాజరయ్యారు. ప్రాజెక్టు ప్రారంభం నుంచి అనేక కోణాల్లో వారిని ప్రశ్నించినట్టు సమాచారం. వివరణ ను అఫిడవిట్ రూపంలో వారం రోజుల్లోగా అందజేయాలని సూచించినట్టు తెలిసింది. బడ్జెట్ సమావేశాలు ఉండడంతో గడువు కావాలని రామకృష్ణారావు కోరగా, ఆగస్టు 5వరకు సమయం ఇచ్చినట్టు సమాచారం. విద్యుత్ శాఖ ఇంజినీర్ కే రఘు కూడా కమిషన్ ముందు హాజరయ్యారు.