సూర్యాపేట : బీఆర్ఎస్తోనే మైనార్టీల అభివృద్ధి, సంక్షేమం సాధ్యమని సూర్యాపేట బీఆర్ఎస్ అభ్యర్థి, మంత్రి జగదీష్ రెడ్డి(Minister Jagadish Reddy) అన్నారు. శుక్రవారం సూర్యాపేట(Suryapet)లో పలువురు ముస్లింలలతో పాటు వివిధ పార్టీలకు చెందిన నాయకులర, కార్యకర్తలు బీఆర్ఎస్ చేరారు. వారికి మంత్రి గులాబీ కండువాలు కప్పి బీఆర్ఎస్లోకి ఆహ్వానించారు. ఈ సందర్భంగా ఆయన మాట్లాడుతూ..తెలంగాణ రాష్ట్రం ఏర్పడిన తర్వాత సీఎం కేసీఆర్ మైనార్టీల అభివృద్ధికి ఎంతో కృషి చేశారన్నారు.
షాదీ ముబారక్, మైనార్టీ రెసిడెన్షియల్స్ వంటి అనేక అభివృద్ధి, సంక్షేమ కార్యక్రమాలు చేపట్టారన్నారు. అభివృద్ధి పనులు ఇలాగే కొనసాగాలంటే మళ్లీ కేసీఆర్ ప్రభుత్వమే రావాలని తెలిపారు. కారు గుర్తుకు ఓటేసి ఎన్నికల్లో భారీ మెజార్టీతో గెలిపించాలని విజ్ఞప్తి చేశారు. ఈ కార్యక్రమంలో పర్వేజ్, మున్సిపల్ కోఆప్షన్ నెంబర్ సయ్యద్ రియాజుద్దీన తదితరులు పాల్గొన్నారు.