హైదరాబాద్, జూన్7 (నమస్తే తెలంగాణ): తెలంగాణ మైనార్టీ గురుకుల విద్యాసంస్థ ల సొసైటీ ఆధ్వర్యంలోని కాలేజీల్లో ఇంటర్మీడియెట్ ఎంపీసీ, బైపీసీ, ఎంఎల్టీ బ్రిడ్జి కో ర్సును పూర్తిచేసిన విద్యార్థులకు ఎంఎస్ఎన్ ల్యాబొరేటరీస్ ప్రైవేట్ లిమిటెడ్ ఆధ్వర్యంలో ఉద్యోగమేళాను నిర్వహిస్తున్నారు. మైనార్టీ గురుకుల సొసైటీ సెక్రటరీ ఆయేషా మస్రత్ఖానం శుక్రవారం ఒక ప్రకటనలో వెల్లడించారు. ఖైరతాబాద్లోని మైనార్టీ బాలికల గురుకుల కాలేజీలో ఈనెల 10న ఇంటర్వ్యూలు ఉంటాయని వెల్లడించారు. 55శాతం మార్కులతో పాసైన, 20ఏండ్ల వయస్సులోపు విద్యార్థులు అర్హులని స్పష్టంచేశారు.