ఖలీల్వాడి, మే 23: నిజామాబాద్ జిల్లా ఆర్మూర్లోని జీవన్రెడ్డి మాల్ను సీజ్ చేసిన ఆర్టీసీకి హైకోర్టు షాక్ ఇచ్చింది. మాల్ను యథావిధిగా తెరుచుకోవచ్చని కోర్టు ఉత్తర్వులు జారీ చేసిందని ఆర్మూర్ మాజీ ఎమ్మెల్యే జీవన్రెడ్డి తెలిపారు. సిద్దులగుట్ట స్వామి ఆశీస్సులతో శుక్రవారం నుంచి మాల్ను తిరిగి తెరువనున్నట్టు ఆయన ఓ ప్రకటనలో పేర్కొన్నారు.
న్యాయం గెలిచిందని, ధర్మం నిలబడిందన్న జీవన్రెడ్డి.. అన్యాయంగా, అకారణంగా మాల్ను జప్తు చేసిన ఆర్టీసీకి హైకోర్టు ఉత్తర్వులతో షాక్ తగిలినట్టు అయిందని తెలిపారు. ఇక నుంచి జీవన్మాల్లో యథావిధిగా కార్యకలాపాలు కొనసాగుతాయని పేర్కొన్నారు.