హైదరాబాద్, జూన్ 21 (నమస్తే తెలంగాణ): ఇప్పటికే విత్తనాలు నాటి వర్షం కోసం ఎదురుచూస్తున్న రైతన్నలకు హైదరాబాద్ వాతావరణ కేంద్రం తీపికబురు అందించింది. వచ్చే వారం నుంచి రాష్ట్రంలో భారీ వర్షాలు కురుస్తాయని వెల్లడించింది.
రాబోయే మూడు రోజులపాటు ఎండలు కూడా ఉంటాయని, కొన్ని జిల్లాల్లో సాధారణం కంటే 2 నుంచి 4 డిగ్రీల అధిక ఉష్ణోగ్రత నమోదుకావొచ్చని తెలిపింది. మరోవైపు 22వ తేదీన (నేడు) ఉత్తర తెలంగాణలో భారీ వర్షం కురువొచ్చని ఇండో-జర్మన్ నిపుణులు అంచనా వేశారు.