హైదరాబాద్, జూలై 10 (నమస్తే తెలంగాణ): గ్రూప్ -1 పోస్టుల నియామకాల భర్తీలో అక్రమా లు జరుగుతున్నాయని బీఆర్ఎస్ నేత చిరుమల్ల రాకేశ్కుమార్ అన్నారు. బుధవారం నమస్తే తెలంగాణలో వచ్చిన కథనాన్ని ఊటంకిస్తూ టీజీపీఎస్సీ ఇప్పటివరకు గ్రూప్ -1 కటాఫ్ మారులు ప్రకటించలేదని, వెంటనే ప్రకటించాలని డిమాండ్ చేశారు.
బుధవారం తెలంగాణ భవన్లో మీడియా సమావేశంలో రాకేశ్ కుమార్ మాట్లాడుతూ గ్రూప్ -1 మెయిన్స్కు అర్హత జాబితా ను 1:57 ఎందుకు ప్రకటించారని నిలదీశారు. 28,150 మందే అర్హుల జాబితాలో ఉండాల్సి ఉండగా, అదనంగా మరో 3,232 మందిని ఎందుకు చేర్చారని ప్రశ్నించారు. ఈ మీడియా సమావేశంలో బీఆర్ఎస్ నేతలు ప్రవీణ్ రెడ్డి, కృష్ణ, సురేశ్, స్వామి యాదవ్, సతీశ్, జహీర్ఖాన్, అవినాశ్, శ్రీకాంత్ గౌడ్, యుగేందర్రెడ్డి,రవి పాల్గొన్నారు.