హైదరాబాద్ సిటీబ్యూరో, ఆగస్టు 16 (నమస్తే తెలంగాణ) : దేశంలోనే అతిపెద్ద ప్రోటోటైపింగ్ కేంద్రంగా ఉన్న టీ వర్క్స్.. ఇంజినీరింగ్ విద్యార్థుల ఇంటర్న్షిప్కు వేదికగా మారింది. వివిధ రకాల యంత్ర పరికరాలతో ప్రయోగాలు చేసేందుకు, కొత్తగా ఉత్పత్తులకు సంబంధించిన నమూనా తయారుచేసేందుకు రాష్ట్ర ప్రభుత్వం టీవర్క్స్ను ఏర్పాటు చేసింది. ఇప్పుడిది ఇంజినీరింగ్ విద్యార్థుల ప్రయోగాలకు అనుకూలంగా మారింది. టీ వర్క్స్లోని 3డీ ప్రింటింగ్ విభాగంలో విద్యార్థులకు ‘3డీ ప్రింటింగ్ 101’ పేరుతో నిపుణులు రాఘవ్ సేన్.. డిజైనింగ్, మెటీరియల్స్, మోడల్స్పై ప్రత్యక్ష శిక్షణ ఇచ్చినట్టు టీ వర్క్స్ ప్రతినిధి తెలిపారు.