హైదరాబాద్, జూలై 16 (నమస్తే తెలంగాణ): సచివాలయంలో మంగళవారం రెండు గంటలపాటు ఇంటర్నెట్ సేవల్లో అంతరాయం ఏర్పడింది. సీఎం రేవంత్రెడ్డి కలెక్టర్లు, ఎస్పీలతో సమీక్ష నిర్వహిస్తున్న సమయంలోనే ఇలా జరుగడం గమనార్హం. నిపుణ అనే సంస్థ రాష్ట్ర ప్రభుత్వానికి ఇంటర్నెట్ ప్రొవైడర్గా ఉన్నది.
సంస్థకు రూ.360 కోట్ల మేర పెండింగ్ బిల్లులు ఉన్నట్టు చెప్పుకుంటున్నారు. ప్రభుత్వానికి ఎన్నిసార్లు విజ్ఞప్తి చేసినా పట్టించుకోవడం లేదని, అందుకే ఝలక్ ఇచ్చేందుకు కీలకమైన కలెక్టర్లు, ఎస్పీల కాన్ఫరెన్స్లో ఇలా రెండు గంటలపాటు సేవలు నిలిపివేసిందని గుసగుసలు వినిపిస్తున్నాయి.