హైదరాబాద్ : పంజగుట్ట రోడ్డు ప్రమాదం(Panjagutta road accident) కేసులో సస్పెండ్ అయిన ఇన్స్పెక్టర్ దుర్గారావు పరారయ్యాడు. పోలీసు డిపార్ట్మెంట్ అంతర్గత విచారణలో దుర్గారావు పాత్ర ఉందని, బోధన్ మాజీ ఎమ్మెల్యే షకీల్ కుమారుడు సాహిల్ పారిపోయేందుకు దుర్గారావు సహకరించారని ఉన్నతాధికారులు తేల్చారు. కాగా, బోధన్ మాజీ ఎమ్మెల్యే షకీల్(Former MLA Shakeel) కుమారుడు సాహిల్ ర్యాష్ డ్రైవింగ్ (Rash driving)కేసులో పంజగుట్ట పోలీసులు మరో ఇద్దరిని ఆదివారం అదుపులోకి తీసుకున్నారు.
షకీల్ కుమారుడి ర్యాష్ డ్రైవింగ్ కేసు విషయంలో నిందితులకు సహకరించిన బోధన్ ఇన్స్పెక్టర్ ప్రేమ్ కుమార్, షకీల్ అనుచరుడు అబ్దుల్ వాసేని ఉదయం బోధన్(Bodhan)లో అదుపులోకి తీసుకొని హైదరాబాద్కు తరలించారు. ఇటీవల మితిమీరిన వేగంతో కారు నడిపి ప్రజాభవన్ ఎదుట ట్రాఫిక్ బారికేడ్లను ఢీ కొట్టిన సాహిల్ అతని స్థానంలో డ్రైవర్ను పెట్టి దుబాయ్ పారిపోయాడు.