Emerald Sweets | సిటీబ్యూరో, జూలై 11 (నమస్తే తెలంగాణ ): ఎమరాల్డ్ స్వీట్స్.. సూపర్ హెల్తీ గురూ..ఇది పాతమాట. ఎమరాల్డ్ స్వీట్స్.. మస్తు కల్తీ గురూ నేటిమాట. ఆర్గానిక్ ఉత్పతుల మాటున కల్తీ పదార్థాలతో మిఠాయిలను అందిస్తున్నట్టు జీహెచ్ఎంసీ ఫుడ్సేఫ్టీ విభాగం అధికారుల తనిఖీలో తేలింది. హైదరాబాద్ నగరంలోని ఇందిరాపార్కు దగ్గర ఉన్న ఎమరాల్డ్స్ స్వీట్హౌస్పై గురువారం జీహెచ్ఎంసీ ఫుడ్ సేఫ్టీ విభాగం అధికారులు తనిఖీలు నిర్వహించారు.
ప్రమాదకరమైన కలర్స్ మిక్స్ అయిన 60 కేజీల బెల్లం, సరిగాలేని మూడు కిలోల జీడి పప్పు ను సీజ్ చేశారు. గడువు ముగిసిన పాలు, పెరుగు చూసి అధికారులు అవాక్కయ్యారు. ఫుడ్ లైసెన్స్ డిస్ప్లే పెట్టలేదని, మెడికల్ సర్టిఫికెట్లు లేని ఫుడ్ హ్యాండిలర్లను గుర్తించారు. శాంపిల్స్ను తీసుకున్న అధికారులు ల్యాబ్ కు తరలించి, ఎమరాల్డ్స్ స్వీట్ షాపు నిర్వాహకుడికి నోటీసులు జారీ చేశారు.