దామరచర్ల, జూన్ 1 : యాదాద్రి పవర్ ప్లాంట్ నిర్మాణ పనుల టెండర్ల అవార్డుపై అభిప్రాయాలను సేకరిస్తున్నామని యాదాద్రి పవర్ప్లాంట్ వి చారణ కమిటీ చైర్మన్, పాట్నా హైకో ర్టు మాజీ న్యాయమూర్తి జస్టిస్ నర్సింహారెడ్డి తెలిపారు. శనివారం నల్లగొం డ జిల్లా దామరచర్లలోని యాదాద్రి పవర్ప్లాంట్ను సందర్శించి పనులను పరిశీలించారు. టీజీ జెన్కో, బీహెచ్ఈఎల్ అధికారులతో సమావేశమై వి వరాలు సేకరించారు. అనంత రం మీడియాతో మాట్లాడుతూ.. యాదాద్రి పవర్ ప్లాంట్ టెండర్లు, భద్రాద్రి పవర్ ప్లాంట్ సూపర్ క్రిటికల్ లేదా సబ్ క్రిటికల్, ఛత్తీస్గఢ్ నుంచి కొనుగోలు చేసిన విద్యుత్తుపై విచారణ జరుపుతున్నట్టు తెలిపారు.
యాదాద్రి పవ ర్ ప్లాంట్ నిర్మాణ పనులకు టెండర్లు వేయకుండా బీహెచ్ఈఎల్కు కాం ట్రాక్ట్ ఇవ్వడంపై విచారణ జరుపుతున్నట్టు పేర్కొన్నారు. నిర్ణయాలు తీసుకున్న వారికి, పనుల్లో భాగస్వాములైన వారికి ఉత్తరాలు రాసినట్టు చెప్పా రు. వారి వివరణతోపాటు ప్రజలు అభిప్రాయాలు తెలుపాలని పబ్లికేషన్ ఇచ్చినట్టు తెలిపారు. పలువురు వ్యక్తిగతంగా, మరికొన్ని స్వచ్ఛంద సంస్థ లు తమ అభిప్రాయాలు వ్యక్తం చేసినట్టు వివరించారు. త్వరలోనే నేరుగా వారి అభిప్రాయాలు తీసుకొని నివేది క రూపొందిస్తామని చెప్పారు. ఫిర్యాదులపై సరైన ఆధారాలు, రుజువులు ఉంటేనే కమిషన్ పరిగణనలోకి తీసుకుంటుందన్నారు. పవర్ ప్లాంట్ను పూర్తిస్థాయిలో పరిశీలించామని తెలిపారు. మూడు నెలల్లోపు నివేదిక అందిస్తామని చెప్పారు. ఆయన వెంట ప్రాజెక్ట్ సీఈ సమ్మయ్య, జెన్కో అధికారులు ఉన్నారు.