హైదరాబాద్, జూన్ 12 (నమస్తే తెలంగాణ): దేశవ్యాప్తంగా ఉన్న మెడికల్ కాలేజీల సమస్త సమాచారాన్ని తమ వెబ్సైట్లో పొందుపరుచాలని నేషనల్ మెడికల్ కమిషన్ (ఎన్ఎంసీ) నిర్ణయించింది. ఇప్పటివరకు కాలేజీల పేరు, అడ్రస్, ఎప్పుడు అనుమతులు వచ్చాయనే ప్రాథమిక వివరాలు మాత్రమే అందుబాటులో ఉన్నాయి. ఇకపై ఆయా కాలేజీల భవనాలు, మౌలిక వసతులు, సిబ్బంది వివరాలు తదితర సమస్త సమాచారాన్ని విద్యార్థులకు, తల్లిదండ్రులకు అందుబాటులోకి తీసుకురావాలని నిర్ణయించింది. ఎన్ఎంసీ వెబ్సైట్లోని యాన్యువల్ డిక్లరేషన్ అనే ట్యాబ్/లింక్లో ఈ వివరాలు ఉంటాయని వెల్లడించింది.