హైదరాబాద్, ఆగస్టు 8 (నమస్తే తెలంగాణ): ఈ నెల 15న స్వాతంత్య్రదిన వేడుకలను చారిత్రక గోలొండ కోట లో ఘనంగా నిర్వహించనున్నట్టు సీఎస్ శాంతికుమారి వెల్లడించారు. వేడుకల ఏర్పాట్లపై మంగళవారం సచివాలయంలో జరిగిన ఉన్నతస్థాయి సమీక్ష సమావేశంలో ఆమె మాట్లాడారు. వేడుకల్లో ఉదయం 10 గంటలకు సీఎం కేసీఆర్ జాతీయ పతాకాన్ని ఆవిష్కరిస్తారని తెలిపారు. అంతకు ముందు సికింద్రాబాద్ పరేడ్గ్రౌండ్లో అమరవీరుల స్మారకస్థూపం వద్ద స్వాతంత్య్ర సమరయోధులకు నివాళులు అర్పిస్తారని చెప్పారు. ఈ వేడుకలకు సంబంధిత శాఖలు పకడ్బందీ ఏర్పాట్లు చేయాలని ఆదేశించారు. పరేడ్గ్రౌండ్లో ఆర్మీ జీవోసీ అధికారుల సమన్వయంతో తగు ఏర్పాట్లు చేయాలని సీఎస్ సూచించారు.