హైదరాబాద్, జూన్ 6 (నమస్తే తెలంగాణ): తెలంగాణ ఆర్టీసీ పేరుతో ఫేక్ లోగోను సోషల్ మీడియాలో పోస్టు చేశారంటూ రాష్ట్ర డిజిటల్ మీడియా మాజీ డైరెక్టర్ కొణతం దిలీప్పై నమోదైన కేసులో పోలీసులు సీఆర్పీసీ 41ఏ నోటీసు జారీ చేసి ఆ నిబంధననను అమలు చేయాలని పోలీసులకు హైకోర్టు ఆదేశించింది. హైదరాబాద్ సిటీ పోలీసులు పెట్టిన కేసులో సీఆర్పీసీ 41ఏ నిబంధనలు పాటించాలని సూచించింది.
నకిలీ లోగో వల్ల ఆర్టీసీ ప్రతిష్టను దెబ్బతింటుందని పేరొంటూ ఏ శ్రీధర్ ఇచ్చిన ఫిర్యాదు ఆధారంగా పోలీసులు కేసు నమోదు చేయడాన్ని దిలీప్ సవాల్ చేసిన వ్యాజ్యాన్ని జస్టిస్ కే సుజన విచారించారు. పిటిషనర్పై నమోదు చేసిన కేసులోని సెక్షన్లను పరిశీలిస్తే ఏడేండ్లలోపు శిక్షపడేవేనని, అర్నేశ్కుమార్ -బీహార్ మధ్య కేసులో సుప్రీంకోర్టు జారీ చేసిన మార్గదర్శకాల ప్రకారం పిటిషనర్కు సీఆర్పీసీ 41ఏ జారీ చేయాలని ఆదేశించారు. ఆ మేరకు పిటిషనర్కు పోలీసులు నోటీసులు జారీ చేయాలని చెప్పారు. తదుపరి విచారణ జూలై 11కు వాయిదా వేశారు.